Startup enpresak (hasi berriak eta arrakastatsuak) aztertu eta Debagoienera egokitzeko lehiaketa

Gazela enpresen Lehiaketa Debagoieneko Mankomunitateko Garapen Agentziak, Gipuzkoako Foru Aldundiaren laguntzarekin, eskualdeko unibertsitate-mailako  ikasleentzat antolatutako lehiaketa da. Lehiaketaren helburu nagusia da gazela-enpresa bezala sailkatutako enpresen jarduerak aztertzea, Debagoienera edota bertako enpresetara egokitzen saiatzea, eta bukatzeko, proposamenak ekitaldi batean aurkeztea.

HELBURUAK:

Ekimen honekin jarraian zehaztutako helburuak lortu nahi dira:

• Debagoieneko ikasleen artean enpresa iniziatibaren inguruko ezagutza eta grina sustatzea.
• Debagoieneko ikasle gazteen artean ekintzailetasuna eta taldean lan egiteko gaitasunak bultzatzea.
• Debagoieneko enpresa eta ekintzaileentzat ideia banku bat eratzea.
• Enpresei eta ekintzaileei esperientzia arrakastatsuen berri ematea.

Lehiaketa 2015ean egin zen lehen aldiz, eta orduz geroztik urtero egin da. Hasiera batean, Unibertsitateko ikasleentzat antolatu den arren, etorkizun batean goi-mailako lanbide heziketara zabaldu nahi da lehiaketa.

SARTU ENPRESA-IDEIA ARRAKASTATSUEN MUNDUAN!!!

EEBB eta Europako hazkuntza azkarreko enpresen fitxak zure esku.

Azpiko aurkibide honetan orain artean ikasleek landu dituzten enpresen fitxa aurkituko dituzu sektoreka sailkaturik.